22.09.2019
Мәжіліс Төрағасы Иордания мен Оман елдерінен келген әріптестерімен кездесті

Нұр-Сұлтан, 22 қыркүйек. Мәжіліс Спикері Нұрлан Нығматулин Еуразия елдері Парламенттері спикерлерінің 4-кеңесі қарсаңында Иордания Хашимит Корольдігі Халық жиналысы өкілдер палатасының төрағасы Атеф Аль-Тараунмен кездесті. Мәжіліс Төрағасы атап өткендей, Иордания Қазақстанның Таяу Шығыстағы маңызды әріптесі екенін алға тарта келіп, мемлекетаралық қарым-қатынастың жоғары деңгейін атап өтті.

 Тараптар келешекте де барлық салалардағы өзара тиімді байланыстарды белсенді түрде ұлғайтуға, халықаралық күн тәртібіндегі өзекті мәселелер бойынша ұстанымдарды үйлестіруге, екіжақты қатынастарымыздың құқықтық негіздерін нығайтуға бірлесе қолдау көрсетуге ниетті екендерін білдірді.

Ал, Оман Аш-Шура Маджлисінің Төрағасы Халид Хилал Нассер Аль-Маауалимен жүздесуде Мәжіліс Спикері Нұрлан Нығматулин Оман тарапынан жасалған жоғары деңгейдегі алғашқы сапар екенін алға тарта келіп,  ерекше құрмет ретінде бағалады. Екі ел арасында дипломатиялық қарым-қатынастың орнаған 27 жыл ішінде Қазақстан мен Оман көп бағытты әріптестікті нығайтуда жоғары табыстарға қол  жеткізіп,  елдеріміз арасында саяси сенім жаңа деңгейге көтерілді.

Мәртебелі меймандар арнайы шақыру үшін алғыстарын жеткізді.

Нурлан Нигматулин поприветствовал парламентские делегации Иордании и Омана