9 шілде. Мәжіліс Төрағасы Нұрлан Нығматулин Еуразия құрлығында серіктестікті нығайтуға бағытталған Қазақстан Республикасының Тұңғыш Президенті, Елбасы Нұрсұлтан Назарбаевтың стратегиялық бастамаларын іске асыру барлық Еуропа және Азия елдерінің тұрақты болашағына ықпал ететініне сенім білдірді.

24 маусым. Бүгін Мәжілісте Палата Спикері Нұрлан Нығматулиннің төрағалығымен ағымдағы жылғы 23-24 қыркүйекте Елордамыз Нұр-Сұлтан қаласында «Үлкен Еуразия: Диалог. Сенім. Серіктестік» тақырыбында өтетін Еуразия елдері парламенттері төрағаларының IV Кеңесіне дайындық пен өткізу жөніндегі Ұйымдастыру комитетінің отырысы өтті.

Ұйымдастыру комитетінің мүшелері парламенттік форумға дайындық мәселелерін, оның ішінде шетел парламенттері делегацияларының қатысуын растау мәселелерін талқылады. Бүгінгі таңда форумға 51 елдің делегациясының қатысуы расталған. Сондай-ақ, 16-ға жуық халықаралық ұйымдардың қатысуы күтілуде.

25 сәуір. Бүгін Мәжілісте Палата Спикері Нұрлан Нығматулиннің төрағалығымен ағымдағы жылғы 23-24 қыркүйекте Елордамыз Нұр-Сұлтан қаласында «Үлкен Еуразия: Диалог. Сенім. Серіктестік» тақырыбында өтетін Еуразия елдері парламенттері төрағаларының IV Кеңесіне дайындық пен өткізу жөніндегі Ұйымдастыру комитетінің алғашқы кеңейтілген отырысы өтті.

Парламент өкілдерінің алдағы кездесуі Қазақстан Республикасының Тұңғыш Президенті, Елбасы Нұрсұлтан Назарбаевтың еуразиялық идеясына 25 жыл толуына арналады.

22 сәуір. 2019 жылғы 23-24 қыркүйекте Елордамыз Нұр-Сұлтан қаласында «Үлкен Еуразия: Диалог. Сенім. Серіктестік» тақырыбында өтетін Еуразия елдері парламенттері спикерлерінің төртінші Кеңесі өтеді.

Парламенттік форум Қазақстан Республикасының Тұңғыш Президенті, Елбасы Нұрсұлтан Назарбаевтың еуразиялық идеясына 25 жыл толуына арналады.

Еуропа мен Азиядан келген Парламент өкілдері еуразиялық кеңістіктің қауіпсіз және тұрақты даму жолдарын талқылайды.